Баш бит
  Баш бит     Сайт картасы
Сәхифәләр    RSS-лента

  Агентлык турында
 Сорау-җавап


www.Tatar-Islam.ru
Эзләү

 Тарихи мәкаләләр
 Хәләл маркетингы
 Дөнья
 Вакыйга

 Мөслимәләр сәхифәсе
 Үгет-нәсыйхәт
 Фикһ мәсьәләләре
   Эзләү
Мәрхәмәтле вә Рәхимле Аллаһ исеме белән

«Сөләйман» мәчетендә төрле төбәкләрдән килгән 60 бала ял итә

  Иң популяр хәбәрләр

Быел Татарстанда социаль ипотека программасы буенча 117 йорт төзеләчәк

06.01.2012

2012 елда Татарстанда социаль ипотека программасы буенча гомуми мәйданы 473 мең кв метр булган күпфатирлы 117 йортны сафка бастыру ниятләнә. 4 мең 122 фатирга исәпләнгән 28 йорт Казанда сафка басарга тиеш.

Әлеге саннарны бүген ТР Хөкүмәт йортында Премьер-министр Илдар Халиков рәислегендә узган республика киңәшмәсендә төзелеш, архитектура һәм торак-коммуналь хуҗалык министры Ирек Фәйзуллин яңгыратты. Киңәшмә республикада торак төзелеше, аны сафка бастыру мәсьәләләренә багышланды.

Ирек Фәйзуллин китергән мәгълүматлардан күренгәнчә, бүгенгә республиканың торак шартларын яхшыртуга мохтаҗ гражданнар реестрында 2507 Бөек Ватан сугышы ветераны исәпләнә. Шуларның 694 е торак өчен федераль субсидияләр алган. Калган 1823 ветеранны тораклы итү өчен, 1 млрд 746 млн сум күләмендә финанслар кирәк. Агымдагы елның беренче кварталында федераль үзәктән якынча 700 млн сум күләмендә чираттагы траншны көтәләр. Бүгенгә әле 73 ветеран торакны кайсы базардан сайлау турында хәл итеп бетермәгән. Илдар Халиков шуны күздә тотып, якын көннәрдә ветераннар һәм аларның якыннары белән бу мәсьәләне ачыклау кирәк, ди.

Министр Ирек Фәйзуллин сүзләренә караганда, өлешләп төзүдә катнашып алданган 2871 кеше өчен ел азагына кадәр 32 йортта төзелешне тәмамларга кирәк.

2012 елда күпфатирлы йортларны капиталь ремонтлау буенча республика программасын гомуми финанслау күләме 4 млрд 347 млн сум тәшкил итә. Шуның 549 млн сумы Торак-коммуналь хуҗалыкны реформалаштыруга ярдәм буенча федераль фондтан бүленә, 1 млрд 373 млн сумы –республика казнасы өлеше. Тагын 1 млрд 75 млн сумын җирле бюджетлар, 1 млрд 349 млн сумын торак милекчеләре тәэмин итәчәк. Быелгы капиталь ремонт программасында 41 муниципаль район һәм 2 шәһәр округы катнаша.

ТР Президенты каршындагы Дәүләт торак фонды башкаручы директоры Тәлгать Абдуллин үз чыгышында белдергәнчә, социаль ипотека программасы кысаларында быел 473 мең кв метр мәйданда торак, ягъни 8 мең фатир төзеләчәк. Планда каралган 117 йортның 108 ендә инде эшләр башланган.

Киңәшмәгә йомгак ясап, Премьер-министр Илдар Халиков быел мәктәпләрне капиталь төзекләндерү программасына аерым игътибар бирергә кирәклекне искәртте. «Каникуллар озак дәвам итми. Карарга кирәк, кайбер районнарда, бәлки, капиталь төзекләндерү эшләренә иртәрәк тә керешергә мөмкин булыр. Һәр мәктәптә эшләрнең атналык графигы төзелергә тиеш. Программада үзләрен яхшы яктан күрсәткән подрядчылар гына катнашырга тиеш», — дип ул ремонт эшләрендә куркынычсызлык мәсьәләленә аеруча игътибар бирергә кирәклеген ассызыклады, дип хәбәр итә "Татар-информ"ның мәгълүмат агентлыгы.



Внимание!
При использовании материалов просьба указывать ссылку:
«Татар-Ислам.»,
а при размещении в интернете – гиперссылку на наш сайт: www.tatar-islam.ru

Все новости раздела





Башка хәбәрләр:
06.01.2012 Мөселман эшмәкәрләре мәгълүмати кыр барлыкка китерә
06.01.2012 Норлат балалар йортына сәфәр
06.01.2012 Казан рәссамы "Апанай мәчете" картинасын ясады
06.01.2012 Яшь мөселманнар өчен көндезге лагерь
05.01.2012 Мәктәпкәчә яшьтәге балаларның белем бирү учреждениесенә кәгазь юлламалар булмаячак

Сәхифәнең тулы тексты

 
© Информационное агентство ИА "Татар-Ислам" 2009-2011 Все права на материалы опубликованные на сайте принадлежат ООО "Медиа-группа "Ислам info". При использовании материалов гиперссылка на информационное агентство обязательна. Свидетельство о регистрации СМИ: ИА № ФС 77 — 45782 от 13.07.2011г.   Сайт создан в компании «Экспресс-Интернет», 2007
Работает под управлением системы «Экспресс-Веб»